სავაჭრო პოლიტიკა და საგარანტიო პირობები
ჩვენი კომპანიის შოურუმსა და ვებ გვერდზე წარმოდგენილ პროდუქციაზე ვრცელდება ,,მომხმარებელთა უფლებების დაცვის შესახებ’’ საქართველოს კანონით გათვალისწინებული 2 წლიანი კანონისმიერი გარანტია.
1.1. გარანტიის სარგებლობის საფუძველი და წესი
ძირითადი ცნებები და დებულებები:
ქარხნული წუნი: ქარხნული წუნი ავეჯის შემთხვევაში წარმოადგენს ისეთ დეფექტს, რომელიც არსებობდა პროდუქტის წარმოების ეტაპზე და გამოწვეულია არა მომხმარებლის მოქმედებით, არამედ თავად წარმოების პროცესის, გამოყენებული მასალის ან ტექნოლოგიის ხარვეზით. ასეთი წუნი შეიძლება გამომდინარეობდეს არასწორი კონსტრუქციული გადაწყვეტიდან, უხარისხო ნედლეულის გამოყენებიდან, აწყობის ტექნიკური შეცდომიდან ან ზედაპირის დამუშავების დეფექტიდან. იურიდიულად არსებითი სწორედ ის გარემოებაა, რომ ხარვეზი იმთავითვე იყო ჩადებული ნივთში, მიუხედავად იმისა, რომ მისი გამოვლენა შესაძლოა მოგვიანებით, გამოყენების პროცესში მოხდა. ავეჯის სპეციფიკიდან გამომდინარე, ქარხნული წუნი ხშირად ვლინდება ფორმის დეფორმაციით, მექანიზმების არასწორი ფუნქციონირებით, მასალის ბზარებით, დაფის ან შპონის აცლით, საღებავის აქერცვლით ან კონსტრუქციის არასტაბილურობით, რაც მიუთითებს იმაზე, რომ ნივთი არ შეესაბამება იმ ხარისხს და გამძლეობას, რასაც მომხმარებელი გონივრულად ელოდება მსგავსი ტიპის ავეჯისგან. ასეთ შემთხვევებში პროდუქტის დაზიანება არ არის ჩვეულებრივი ცვეთის ან ექსპლუატაციის შედეგი, არამედ წარმოების დროს დაშვებული შეცდომის ლოგიკური გამოვლინებაა. სამართლებრივი თვალსაზრისით ქარხნული წუნი ნიშნავს, რომ ავეჯი არ შეესაბამება ხელშეკრულებას და არ აკმაყოფილებს იმ ხარისხობრივ და ფუნქციურ მოთხოვნებს, რომლებიც პროდუქტის ტიპის, ფასისა და აღწერის გათვალისწინებით უნდა ჰქონდეს. სწორედ ამიტომ, ქარხნული წუნის არსებობა ავტომატურად ააქტიურებს კომპანიის პასუხისმგებლობას კანონით დადგენილი გარანტიის ფარგლებში.
• საგარანტიო ვალდებულებები არ ვრცელდება ბუნებრივი ცვეთით, არასწორი ექსპლუატაციით ან მექანიკური დაზიანებით გამოწვეულ დაზიანებაზე;
• პროდუქციის მიღების დროს მომხმარებელმა, მიტანის სერვისის თანამშრომლების თანდასწრებით, უნდა გადაამოწმოს მისი ვიზუალური მდგომარეობა და მექანიზმების გამართულობა, ჩაიბაროს ნივთი;
• ნებისმიერი ტიპის დეფექტის აღმოჩენის შემთხვევაში, მომხმარებელი მომენტალურად უნდა დაუკავშირდეს კომპანიას და დეტალურად აუხსნას არსებული პრობლემა, მიაწოდოს შესაბამისი ფოტო-ვიდეო მასალა;
საგარანტიო პირობები:
• საგარანტიო ვადის ათვლა იწყება პროდუქციის მომხმარებლისთვის მფლობელობაში გადაცემის მომენტიდან;
• გაყიდული საქონლის მომხმარებლისთვის გადაცემისას მასზე გადადის საქონლის შემთხვევით დაზიანების რისკი;
• პროდუქციის მომხმარებლისთვის გაგზავნის შემთხვევაში პროდუქციის შემთხვევით დაზიანების ან გაფუჭების რისკი გადადის მომხმარებელზე;
• თითოეული პროდუქტი გამოყენებულ უნდა იქნეს იმ პირობების შესაბამისად, რომელიც მწარმოებლის მიერ არის გათვალისწინებული ინსტრუქციაში;
• შეძენილი პროდუქციის უკან დაბრუნება შეუძლებელია. შეძენილ პროდუქციაში ასევე მოიაზრება ის შემთხვევა როდესაც მომხმარებელმა კომპანია ვესტას შეუკვეთა ნივთი დასამზადებლად და მის შესაძენად გადაიხადა ნივთის ღირებულება ნაწილობრივ ან სრულად.
საგარანტიო ვალდებულებების შესრულების პირობები:
• დეფექტის გამოვლენისთანავე, მომხმარებელი ვალდებულია დაუყოვნებლივ მიმართოს კომპანია ვესტას და მიაწოდოს რელევანტური ინფორმაცია;
• საგარანტიო ვალდებულებების შესრულება კომპანიას ეკისრება მხოლოდ იმ შემთხვევაში, თუ მომხმარებელი იცავდა საგარანტიო ვალდებულებებს და პროდუქციას, წარადგენს პირადობის დამადასტურებელ დოკუმენტს, გადახდის ქვითართან ერთად.
• ვესტას საგარანტიო ვალდებულება გულისხმობს პროდუქციის ან მისი დეტალების შეკეთებას/შეცვლას/ჩანაცვლებას და მონტაჟს/დემონტაჟს. ფორმას არჩევს კომპანია ვესტა, ყოველ კონკრეტულ შემთხვევაში ორივე მხარის ინტერესებიდან გამომდინარე;
• ქარხნული წუნის არსებობის იდენტიფიცირებისთვის ნივთი დისტანციურ რეჟიმში გადის ექსპერტიზას, ფოტო-ვიდეო მასალების მეშვეობით, რომელსაც ატარებს კომპანია ვესტას პარტნიორი ქარხნის სპეციალისტები. ექსპერტიზის მომსახურებისთვის საფასური არ გადაიხდება.
• იმ შემთხვევაში თუ დაზიანება არ შეფასდება ქარხნულ წუნად და მომხმარებელს სურს, რომ აღმოიფხვრას ზარალი (თუ აღნიშნული შესაძლებელია), მან დამატებით უნდა გადაიხდის ზიანის გამოსწორების სერვისისათვის გაწეული საფასური, რომლის შესახებაც დეტალურად იქნება ინფორმირებული წინასწარ.
• იმ შემთხვევაში, თუ პროდუქცია ან პროდუქციის რაიმე დეტალი/დეტალები საგარანტიო პერიოდში შეიცვლება ახლით, პროდუქციის საგარანტიო ვადა დარჩება უცვლელი.
• იმ შემთხვევაში, თუკი დადგინდება, რომ დაზიანებული პროდუქცია არ ექვემდებარება აღდგენას/შეკეთებას და საჭიროა მისი შეცვლა/ჩანაცვლება, კომპანიის მიერ პროდუქცია შეიცვლება/ჩანაცვლდება იმავე მწარმოებლის პროდუქციით;
შპს ვესტა თავისუფლდება საგარანტიო ვალდებულებების შესრულებისაგან შემდეგ შემთხვევებში:
• თუ პროდუქცია მომხმარებელმა გამოიყენა არასწორი დანიშნულებით ან მწარმოებლის მიერ ნივთზე განსაზღვრული ინსტრუქციის პირობების დარღვევით;
• თუ პროდუქციაზე განთავსებულია შეუსაბამო აქსესუარი (ნივთი) ან მომხმარებლის მიერ გამოყენებულია დამატებითი აღჭურვილობა;
• თუ პროდუქციის დაზიანება გამოწვეულია მომხმარებლის განზრახული და გაუფრთხილებელი მოპყრობით ან შეუსაბამო გამოყენებით, მათ შორის არასწორი ექსპლუატაციით, რაც არ შეიძლება ჩაითვალოს საწარმოო დეფექტად;
• თუ პროდუქციას აღენიშნება გარეგანი, აშკარა ან ფარული მექანიკური დაზიანება ზემოქმედების შედეგად;
• თუ პროდუქციის მდგომარეობა არსებითად განსხვავდება ნივთის მიწოდების დღისთვის არსებული მდგომარეობისგან (მაგალითად პროდუქციას აღენიშნება: ბზარები, ნაკაწრები, ჩამონატეხები და სხვა);
• თუ პროდუქციაზე მოხვედრილია სხვადასხვა სახის ნივთიერებები, სითხეები ან უცხო სხეულები;
• თუ მომხმარებელმა თავისი ინიციატივით უზრუნველყო პროდუქციის გარემონტება/რესტავრაცია ან/და შეუცვალა იერსახე/ფორმა;
• თუ პროდუქციის დაზიანება ან/და გაუმართაობა გამოწვეულია მომხმარებლის მიერ არასწორი ტრანსპორტირების, გადაადგილების ან შენახვის შედეგად;
• საგარანტიო პირობები არ ვრცელდება ისეთ დეტალ(ებ)ზე, რომელიც განიცდის ბუნებრივ ცვეთას; აქსესუარ(ებ)ზე, რომელიც ექვემდებარება შეცვლას; ტექნიკურ/სარესტავრაციო მომსახურებაზე (მაგ: გაწმენდა, გარეცხვა და ა.შ).
საგარანტიო შემთხვევებზე კომპანიის მიერ რეაგირების ვადები:
თბილისი – გამოძახებიდან 5 სამუშაო დღე;
აღმოსავლეთ საქართველო – გამოძახებიდან არაუგვიანეს 15 სამუშაო დღე;
დასავლეთ საქართველო – გამოძახებიდან არაუგვიანეს 20 სამუშაო დღე.
საგარანტიო მომსახურების მისაღებად მიმართეთ შპს ვესტას შოურუმს: ქ. თბილისი, აღმაშენებლის ხეივანი #20, ავეჯის სახლი პინსკდრევი.
ყველა სხვა დანარჩენი საკითხი, რომელიც შეიძლება თქვენთვის კითხვის ნიშნის ქვეშ იყოს, გთხოვთ დაგვიკავშირდეთ რათა მოვახდინოთ სწრაფი/ეფექტური მომსახურება.
ინფორმაცია მოვაჭრის შესახებ:
შპს ვესტა (სკ 404884979)
ტელ: 0322476031; 597777971.
ელ-ფოსტა: info@pinskdrev.ge
მისამართი: ქ. თბილისი, აღმაშენებლის ხეივანი #20.
1.2.ონლაინ შეძენილი პროდუქტის უკან დაბრუნების პოლიტიკა
ვებგვერდზე შეძენის შემთხვევაში მომხმარებელს აქვს შესაძლებლობა გადაცვალოს ან/და დააბრუნოს პროდუქცია 14 (თოთხმეტი) კალენდარული დღის განმავლობაში, პროდუქციას შენარჩუნებული უნდა ჰქონდეს მისი პირვანდელი იერსახე და არ უნდა იყოს გამოყენებული. ამისათვის ეწვიეთ ჩვენს ფილიალს ან დაგვიკავშირდით ცხელ ხაზზე – 032 247 60 31
ტერმინთა განმარტება:
“დისტანციური ხელშეკრულება”− ხელშეკრულება, რომელიც დადებულია მოვაჭრესა და მომხმარებელს შორის მხოლოდ დისტანციური კომუნიკაციის ერთი ან რამდენიმე საშუალების გამოყენებით, დისტანციური ნასყიდობის ან მომსახურების მიწოდების ორგანიზებული სქემის მეშვეობით და არ მოითხოვს მომხმარებლისა და მოვაჭრის ფიზიკურ თანაყოფობას. ამასთანავე, ხელშეკრულება დისტანციურ ხელშეკრულებად არ მიიჩნევა, თუ მომხმარებელი და მოვაჭრე ხელშეკრულების პირობებზე სარეწში შეთანხმდნენ და ხელშეკრულება დისტანციურად მხოლოდ ამის შემდეგ დაიდო; დისტანციურ ხელშეკრულებად არ ჩაითვლება აგრეთვე, თუ მომხმარებელი ვებგვერდის მეშვეობით დაჯავშნის ნივთს და წინასწარ გადაიხდის ნივთის ნასყიდობის ფასს, მაგრამ თანახმაა, რომ ხელშეკრულების პირობებზე საბოლოო შეთანხმება შედგეს მოვაჭრის სარეწში და მან მოვაჭრის სარეწში ჩაიბაროს ნივთი;
„სარეწის გარეთ დადებული ხელშეკრულება“ − ნებისმიერი ხელშეკრულება, რომელიც დადებულია მოვაჭრესა და მომხმარებელს შორის სარეწის გარეთ და მოითხოვს მოვაჭრისა და მომხმარებლის ფიზიკურ თანაყოფობას; ხელშეკრულება, რომელიც დადებულია სარეწში ან დისტანციური კომუნიკაციის ნებისმიერი საშუალების გამოყენებით, დაუყოვნებლივ მას შემდეგ, რაც მომხმარებელმა ხელშეკრულების დადების შესახებ ინდივიდუალური შეთავაზება უშუალოდ მიიღო მოვაჭრისგან სარეწის გარეთ, მოვაჭრისა და მომხმარებლის ფიზიკური თანაყოფობისას; ხელშეკრულება, რომელიც დადებულია ექსკურსიის დროს, რომელიც მოვაჭრის მიერ იყო ორგანიზებული საქონლის ან მომსახურების გაყიდვის ხელშეწყობისთვის ან ასეთ შედეგს იწვევს. სანოტარო ბიუროში სანოტარო მოქმედებების შესრულების შედეგად დადებული ხელშეკრულება სარეწის გარეთ დადებულ ხელშეკრულებად არ მიიჩნევა;
„მომხმარებელი“ – ნებისმიერი ფიზიკური პირი, რომელსაც სთავაზობენ ან რომელიც იძენს ან შემდგომ იყენებს საქონელს ან მომსახურებას უპირატესად პირადი მოხმარების მიზნით და არა სავაჭრო, სამეწარმეო, სახელობო ან სხვა პროფესიული საქმიანობის განსახორციელებლად.
„მოვაჭრე“ − ნებისმიერი ფიზიკური პირი, იურიდიული პირი ან პირთა გაერთიანება, რომელიც მოქმედებს კომერციული საქმიანობის ფარგლებში, აგრეთვე ნებისმიერი სხვა პირი, რომელიც მოქმედებს მოვაჭრის სახელით ან დავალებით;
„ხანგამძლე მატარებელი“ − ნებისმიერი ინსტრუმენტი, რომელიც უზრუნველყოფს ინფორმაციის ხანგრძლივ შენახვასა და უცვლელ რეპროდუცირებას ამ ინფორმაციის გამოყენებისთვის საჭირო დროის განმავლობაში.
„საქონელი“ (შემდგომში „ნივთი“/“პროდუქცია“) − ნებისმიერი მოძრავი ნივთი, აგრეთვე მასში განთავსებული ან/და ციფრული ფორმით გავრცელებული ქონებრივი სიკეთე (მაღაზიის მიერ ვებგვერდზე სარეალიზაციოდ განთავსებული საქონელი);
„მაღაზია / ონლაინ მაღაზია“– pinskdrev.ge
ონლაინ/დისტანციურად pinskdrev.ge-ზე შეძენის შემთხვევაში მომხმარებელს უფლება ეძლევა 14 დღის განმავლობაში უკან დააბრუნოს პროდუქტი, ყოველგვარი საფუძვლის მითითების გარეშე თქვას უარი დისტანციურ ხელშეკრულებაზე ან სარეწის გარეთ დადებულ ხელშეკრულებაზე.
ასეთ შემთხვევაში, მომხმარებელმა უნდა მიმართოს კომპანია ვესტას გაუგზავნოს მას შევსებული ფორმა ან სხვა ცალსახა მტკიცებულება რითიც მომხმარებელი გამოხატავს თავის ნებას.
აღნიშნული ვადა აითვლება:
• ნასყიდობის ხელშეკრულების შემთხვევაში – მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) საქონლის მფლობელობაში მიღებიდან;
• მომხმარებლის მიერ საქონლის ნაწილ-ნაწილ შეკვეთის შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) ბოლო ნივთის მფლობელობაში მიღებიდან;
• საქონლის რეგულარულად (განსაზღვრული პერიოდულობით) მიწოდების ხელშეკრულების შემთხვევაში – მომხმარებლის ან მის მიერ განსაზღვრული მესამე პირის მიერ (გარდა გადამზიდისა) ნივთის მფლობელობაში პირველად მიღებიდან;
უკან დასაბრუნებელი პროდუქტის მდგომარეობა:
• ნივთს უნდა ჰქონდეს შენარჩუნებული პირვანდელი სახე და უნდა იყოს იმ მდგომარეობაში, რა მდგომარეობაშიც განხორციელდა მისი შეძენა;
• ნივთის გარეგნული სახე არ უნდა იყოს შეცვლილი/დაზიანებული;
• ნივთის დაბრუნების დროს პროდუქტს უნდა ახლდეს შეძენის დროს გადაცემული ყველა თანმხლები აქსესუარი/დეტალი.
მაღაზიაში მიტანისას უფლებამოსილი პირი განახორციელებს ნივთის ვიზუალურ დათვალიერებას, იმ შემთხვევაში თუ მოხდება ზემოხსენებულ კრიტერიუმებთან შეუსაბამობა, კომპანიას უფლება აქვს უარი უთხრას მომხმარებელს ნივთის დაბრუნებაზე;
ხელშეკრულებაზე უარის თქმის შემთხვევაში მომხმარებელი ვალდებულია:
• ნივთის დაბრუნების მნიშვნელოვანი პირობაა რომ მას ჰქონდეს პირველადი სასაქონლო სახე, აგრეთვე შენარჩუნებული ჰქონდეს სამომხმარებლო თვისებები და ახლდეს ყველა თანმხლები დეტალი;
• ვალდებულია წარმოადგინოს და გამოაგზავნოს შევსებული ფორმა ან სხვა ცალსახა მტკიცებულება, რომელიც ასახავს მის გადაწყვეტილებას საქონლის დაბრუნების შესახებ შემდეგ მისამართზე : ქ. თბილისი, აღმაშენებლის ხეივანი მე-20 კმ, სადაც იქნება მითითებული შემდეგი ინფორმაცია:
o მოვაჭრის სახელი, ფაქტობრივი მისამართი, ელ. ფოსტის მისამართი
o შეკვეთის თარიღი
o შეკვეთის მიღების თარიღი
o მომხმარებლის სახელი
o მომხმარებლის მისამართი
o მომხმარებლის ხელმოწერა (თუ ფორმა ქაღალდზეა შევსებული)
o ფორმის შევსების თარიღი
ნივთის დაბრუნების სურვილის შემთხვევაში გთხოვთ შეავსოთ ფორმა: „დაბრუნების ფორმა“
• მოვაჭრეს ან მის მიერ განსაზღვრულ მესამე პირს დაუბრუნოს საქონელი ხელშეკრულებაზე უარის თქმის შესახებ შეტყობინების გაგზავნის შემდეგ დაუყოვნებლივ, მაგრამ არაუგვიანეს 7 კალენდარული დღისა, გარდა იმ შემთხვევისა, როდესაც მოვაჭრემ თავად იკისრა საქონლის უკან წაღება;
• გასწიოს მხოლოდ საქონლის დაბრუნებასთან დაკავშირებული პირდაპირი (უშუალო) ხარჯი, გარდა იმ შემთხვევისა, როდესაც მოვაჭრემ თავად იკისრა ამ ხარჯის გაწევა ან მომხმარებელს არ მიაწოდა ინფორმაცია იმის შესახებ, რომ საქონლის დაბრუნების შემთხვევაში ეს ხარჯი წარმოიშობოდა.
დასაბრუნებელი პროდუქტის ტრანსპორტირება
• ნივთის დაბრუნების სურვილის არსებობის შემთხვევაში მომხმარებელი ვალდებულია თავად უზრუნველყოს ნივთის მიტანა შესაბამის მისამართებზე ქ. თბილისი, აღმაშენებლის ხეივანი #20, ან შესაძლებელია გამოიყენოს საკურიერო კომპანია და ისარგებლოს მიტანის სერვისით.
• პროდუქტის ტრანსპორტირებაზე დაზიანების/გაფუჭების რისკი სრულად გადადის მომხმარებელზე;
• მომხმარებელი ვალდებულია თავად უზრუნველყოს ნივთის დაბრუნება და გასწიოს მობრუნებასთან დაკავშირებული სრული ხარჯები (მათ შორის და არამხოლოდ ტრანსპორტირებაც).
ხელშეკრულებაზე უარის თქმის შედეგები:
• ხელშეკრულებაზე უარის თქმის შემთხვევაში, კომპანია ვესტა მომხმარებელს დაუბრუნებს სრულად მის მიერ გადახდილ თანხას ხელშეკრულებაზე უარის თქმის შეტყობინების მიღებიდან 14 კალენდარული დღის ვადაში, თუ მომხმარებლის მიერ შეძენილი საქონელი დაბრუნებულია შეტყობინების გაგზავნიდან 7 კალენდარული დღის ვადაში. თუ შეძენილი საქონელი მომხმარებლის მიერ არ არის დაბრუნებული, მომხმარებელს თანხა უკან არ დაუბრუნდება.
• მომხმარებლის მიერ ხელშეკრულებაზე უარის თქმის შემთხვევაში მას არ დაეკისრება არანაირი ხარჯის (მათ შორის, მიწოდების ხარჯის) გაწევა, გარდა იმ შემთხვევისა, როდესაც მომხმარებელმა მოვაჭრის მიერ შეთავაზებული სტანდარტული მიწოდების მომსახურებაზე უფრო ძვირი მიწოდების მომსახურება აირჩია ან საქონლის ფასი შემცირდა ისეთი სარგებლობის შედეგად, რომელიც დაკავშირებული არ არის საქონლის ბუნების, მახასიათებლებისა და ფუნქციონირების დადგენასთან.
• მომხმარებელს თანხა აუნაზღაურდება გადახდის იმავე საშუალებებით, რომლებიც მომხმარებელმა გამოიყენა (გარდა იმ შემთხვევისა, როდესაც მომხმარებელი გადახდის სხვა საშუალების გამოყენებაზე თანხმობას განაცხადებს და მას დამატებითი ხარჯი არ წარმოეშობა).
• კომპანია ვალდებული არ არის, მომხმარებელს დაუბრუნოს იმ დამატებითი ხარჯის ასანაზღაურებლად გადახდილი თანხა, რომელიც დაკავშირებულია მომხმარებლის მიერ არასტანდარტული ან კომპანიის მიერ შეთავაზებული მიწოდების მომსახურებაზე უფრო ძვირი მიწოდების მომსახურების არჩევასთან.
• ნასყიდობის ხელშეკრულებაზე უარის თქმის შემთხვევაში მოვაჭრეს უფლება აქვს, უარი თქვას თანხის დაბრუნებაზე მანამ, სანამ საქონელს არ დაიბრუნებს ან მომხმარებლისგან არ მიიღებს საქონლის გაგზავნის დამადასტურებელ დოკუმენტს, იმის მიხედვით, რომელიც უფრო ადრე განხორციელდება, გარდა იმ შემთხვევისა, როდესაც მოვაჭრემ თავად იკისრა საქონლის უკან წაღება.
• სარეწის გარეთ დადებული ხელშეკრულების შემთხვევაში, როდესაც საქონელი მომხმარებელს სახლში მიეწოდება, მოვაჭრე ვალდებულია საქონელი საკუთარი ხარჯით წაიღოს უკან, თუ, საქონლის ბუნებიდან გამომდინარე, მისი ფოსტით გაგზავნა შეუძლებელია.
• ხელშეკრულებაზე უარის თქმის შედეგად ქარწყლდება მხარეების მიერ დისტანციური ხელშეკრულებით ან სარეწის გარეთ დადებული ხელშეკრულებით ნაკისრი ვალდებულებები, ხოლო ის, რაც მხარეებმა მისი შესრულებით მიიღეს, მათ უბრუნდებათ.
მომხმარებელს არ აქვს უფლება, უარი თქვას ხელშეკრულებაზე, თუ:
• კომპანიამ ხელშეკრულებით გათვალისწინებული მომსახურება სრულად გასწია, მან მომსახურების გაწევა მომხმარებლის წინასწარი თანხმობით დაიწყო და მომხმარებელმა იცოდა, რომ მომსახურების სრულად მიღების შემთხვევაში დაკარგავდა ხელშეკრულებაზე უარის თქმის უფლებას;
• მომხმარებელს მიეწოდა ჰერმეტულად დაცული საქონელი, მისი ჰერმეტულობა მიწოდების შემდეგ დაირღვა და, ამდენად, საქონლის დაბრუნება შეუძლებელია ჯანმრთელობის ან ჰიგიენური ნორმების დაცვის გამო;
• ნივთი არ არის ვარგისი შემდგომი რეალიზაციისთვის (მაგ: გახსნილია და დარღვეულია მისი სარეალიზაციოდ წარსადგენი სახე);
• ხელშეკრულებით გათვალისწინებულია, რომ მიწოდებული საქონლის ან მომსახურების ფასი დამოკიდებულია ფინანსურ ბაზარზე არსებულ ცვლილებაზე, რომელსაც მოვაჭრე ვერ აკონტროლებს და რომელიც ხელშეკრულებაზე უარის თქმის უფლების განხორციელებისთვის ამ კანონით დადგენილ ვადაში წარმოიშვა;
• მიწოდებული საქონელი ან მომსახურება მომხმარებლის ინდივიდუალური შეკვეთით არის დამზადებული ან აშკარად მის პირად საჭიროებებზეა მორგებული;
• მიწოდებული საქონელი მალფუჭებადია ან მას მოკლე ვარგისობის ვადა აქვს;
• მიწოდებული საქონელი მიწოდების დროს, მისი მახასიათებლებიდან გამომდინარე, განუყოფლად შეერწყა სხვა საქონელს;
• ხელშეკრულების პირობების შესაბამისად, მომხმარებელმა მოვაჭრე გადაუდებელი სარემონტო/ტექნიკური მომსახურების გასაწევად გამოიძახა. ეს შეზღუდვა არ ვრცელდება ამ ვიზიტის ფარგლებში აღნიშნული მომსახურების მიღმა გაწეულ დამატებით მომსახურებაზე; მიწოდებულ იქნა დალუქული აუდიო- ან ვიდეოჩანაწერი ან პროგრამული უზრუნველყოფა და მისი ლუქი მიწოდების შემდეგ დაირღვა;
• ხელშეკრულება საჯარო აუქციონის შედეგად დაიდო;
• მას ციფრული შინაარსი მიეწოდა არამყარი მატარებლით, ხელშეკრულების შესრულება მომხმარებლის წინასწარი თანხმობით დაიწყო და მომხმარებელმა იცოდა, რომ ამით დაკარგავდა ხელშეკრულებაზე უარის თქმის უფლებას;
14 დღის განმავლობაში დაბრუნების პირობა არ ვრცელდება ისეთ ნივთებზე, რომელთა სარეალიზაცო ფასი არ აღემატება 30 (ოცდაათი) ლარს.
წინამდებარე დოკუმენტი შედგენილია „მომხმარებლის უფლებების დაცვის შესახებ“ საქართველოს კანონით დადგენილი რეგულაციების მიხედვით.
ზემოთ წარმოდგენილი უკან დაბრუნების პოლიტიკა ვრცელდება მხოლოდ დისტანციური ფორმით (ონლაინ) დადებულ ხელშეკრულებებზე. მომხმარებლის მიერ შოუ რუმში არჩეული ან/და შეკვეთით შეძენილი პროდუქციის შემთხვევაში მას გადახდილი თანხა უკან არ უბრუნდება.
1.3.გადახდის და მიწოდების პირობები
გადახდის პირობები
შპს ვესტაში პროდუქციის შეძენისას შეგიძლიათ ისარგებლოთ გადახდის შემდეგი მეთოდებით:
• გადახდა ნაღდი ანგარიშსწორებით;
• გადახდა საბანკო ტერმინალით;
• გადახდა საბანკო გადარიცხვით;
• გადახდა ქულებით;
• გადახდა საბანკო განვადებით – ( საქართველოს ბანკი, თიბისი ბანკი, კრედო, მერე (სილქ ბანკი))
შპს ვესტას პროდუქციის ონლაინ შეძენისას შეგიძლიათ ისარგებლოთ გადახდის შემდეგი მეთოდებით:
• გადახდა ონლაინ Visa / MasterCard – ბარათით;
• ონლაინ განვადება – საქართველოს ბანკი, თიბისი ბანკი, კრედო ბანკი, მერე (სილქ ბანკი).
კომპანიის რეკვიზიტები
შპს ვესტა
საიდენტიფიკაციო კოდი: 404884979
იურიდიული მისამართი: საქართველო, ქ. თბილისი, საბურთალოს რაიონი, დიდი დიღმის დასახლება, იოანე პეტრიწის ქუჩა, N 2ბ, ბინა N 71
საბანკო ანგარიშები
სს თიბისი ბანკი
სს საქართველოს ბანკი
სს კრედო ბანკი
მადლობას გიხდით ჩვენთან განხორციელებული შენაძენისთვის.
მიწოდების პირობები
ვებგვერდზე პროდუქციის შეძენის შემთხვევაში შეგიძლიათ ისარგებლოთ ადგილზე მიტანის სერვისით მთელი საქართველოს მასშტაბით. მიწოდება ხორციელდება ორშაბათიდან - კვირის ჩათვლით.
შეკვეთის მიტანა საქართველოს მასშტაბით შესაძლებელია 7-14 სამუშაო დღეში. მიწოდების ღირებულება განისაზღვრება მანძილის მიხედვით. თბილისში და მის შემოგარენში მიწოდება უფასოა და შესაძლებელია 2-3 დღის ვადაში.
პროდუქციის ადგილზე შეძენის ან/და შეკვეთით შეძენის შემთხვევაში ხელშეკრულებით თანხმდება კლიენტისათვის პროდუქციის მიწოდების ვადა და მისამართი. ტრანსპორტირებას უზრუნველყოფს კომპანია ვესტა საქართველოს მასშტაბით.
მომხმარებელი ვალდებულია
დაუყონებლივ აცნობოს კომპანიას მეილის info@pinskdrev.ge ან ცხელი ხაზის (0322 47 60 31) მეშვეობით ქვემოთ მოცემული შემთხვევები:
• თუ მიიღო დაზიანებული ნივთი;
• თუ შეკვეთა მიიღო შეცდომით;
ხოლო საკითხის დაფიქსირების შემდეგ კომპანია იზრუნებს ნებისმიერი ხარვეზის დროულად აღმოფხვრაზე.
შენიშვნა: მომხმარებლის მიერ ზემოაღნიშნული ინფორმაციის მოწოდება კომპანიისთვის უნდა განხორციელდეს ჩაბარებიდან მაქსიმუმ 24 (ოცდაოთხი) საათის განმვალობაში, წინააღმდეგ შემთხვევაში კომპანია თავისუფლდება ყოველგვარი პასუხისმგებლობისგან.