როგორ ავირჩიოთ დივანი სასტუმრო ოთახისთვის

როგორ ავირჩიოთ დივანი სასტუმრო ოთახისთვის - პრაქტიკული რჩევები:  

ეს სტატია დეტალურად განიხილავს დივანის არჩევის მთავარ კრიტერიუმებს სასტუმრო ოთახისთვის: როგორ შევარჩიოთ დივანის ფერი, ჩარჩო, სტილი, დიზაინი და ყველაზე პრაქტიკული გადასაკრავი.  

დივანი სასტუმრო ოთახში - ეს არის ადგილი, სადაც მთელი ოჯახი იკრიბება: საღამოობით ყველა თავისკომფორტის ზონაში თავსდება ,უყურებს ფილმს,მოისვენებს, ხოლო დილაობით - განიხილავენ დღის გეგმებს. ძალიან მნიშვნელოვანია, რომ იგი იყოს პრაქტიკული, კომფორტული და თვალისთვის სასიამოვნო. როგორი დივანი უნდა შეარჩიოთ სასტუმრო ოთახისთვის, რომ იყოს კომფორტული და ამავედროს დიდ ხანს მოგემსახუროთ, ამაზე გიამბობთ ქვემდებარე სტატიაში.  

იმის გასაგებად, თუ რომელი დივანი შეარჩიოთ სასტუმრო ოთახისთვის, ჯერ უნდა გაარკვიოთ, რა მიზანს მოემსახურება იგი.  

ეს იქნება მხოლოდ დეკორის ელემენტი თუ მნიშვნელოვანი ფუნქციური დატვირთვით?  

იქნება თუ არა სწორი დივანი ყოველდღიური ძილის ადგილი, თუ მხოლოდ დასაჯდომი დანიშნულებით გამოიყენებენ?  

კომფორტული იქნება თუ არა ამ დივანზე დროის გატარება?  

მოიწვევთ თუ არა მასზე სტუმრებს?  

საინტერესოა: თვითონ სიტყვა „დივანი“ წარმოიშვა დაახლოებით XVI საუკუნეში. სპარსულ (ასევე თურქულ და არაბულ) ენებზე. იგი თავდაპირველად ნიშნავდა „ჩამოწერილ ფურცლებს“ ან „სიას “ . შემდგომ იგივე სახელით დაიწყეს  სააღრიცხვო წიგნებისა და უშუალოდ კანცელარიის მოხსენიება.  გარკვეული დროის გასვლის შემდგომ  სიტყვა „დივანი“ გახდა ტიპიურად საკანცელარიო ავეჯის სახელწოდების გამომხატველი.ისეთისა,როგორიცაა - მაგ: გრძელი სკამი რბილი გადასაკრავით.  

როგორ შევარჩიოთ დივნის ფორმა  

თავდაპირველად უნდა განვსაზღვროთ დივანის ფორმა: მისი გაზომვა აუცილებელია, რადგან ის უნდა ჩაეტიოს იმ ადგილზე, სადაც გსურთ მისი განთავსება. მცირე და საშუალო ზომის სასტუმრო ოთახებისთვის ყველაზე შესაფერისია დივანი სამი ადამიანისთვის (ასეთი დივანის სიგრძე დაახლოებით ორი მეტრია). ეს არის ყველაზე გავრცელებული ვარიანტი. უმჯობესია, თუ ეს იქნება სწორი ფორმის დივანი; მას ადვილად მოათავსებთ ოთახში, მაგალითად, კედელთან ახლოს.  

საინტერესო ფაქტი: მსოფლიოში ყველაზე გრძელი დივანი აიწყო რუსეთის ქალაქ სარატოვში. ის გახდა ერთ-ერთი იმ 7  რუსულ რეკორდთაგან, რომელიც გინესის წიგნში შეიყვანეს. ამ დივანის სიგრძე - 1 კილომეტრია.  

მნიშვნელოვანია იცოდეთ, რომ კუთხის დივანის არჩევისას ეს ვარიანტი კარგად ჩაჯდება სტუდიის ტიპის ბინაში (ჰოლისა და სასადილო ოთახის ზონის გასაყოფად). ასევე, კუთხის დივანი იდეალურია დიდი ოჯახებისთვის ან მათთვის, ვისაც უყვარს სტუმრების მიღება: მასზე ადვილად დაეტევა ხუთი ან ექვსი ადამიანი.  

თუ თქვენი სასტუმრო ოთახი არ არის ძალიან დიდი, შეგიძლიათ შეიძინოთ  დივანი-ტრანსფორმერი: მასზე შეგიძლიათ იმუშაოთ, დაისვენოთ და დაიძინოთ. ხოლო თუ სასტუმრო ოთახი ძალიან პატარაა, შეგიძლიათ საკუთარ თავს ასიამოვნოთ მცირე ზომის მინიმალისტური სტილის დივანით: იგი დიზაინერულადაც გაალამაზებს სასტუმრო ოთახს, ასევე მოგცემთ სასიამოვნო და კომფორტულ დასვენების სივრცეს.  

თუ თქვენ გაქვთ დიდი სასტუმრო ოთახი, შეგიძლიათ ადვილად განათავსოთ დივანი, რომელიც ექვს ან მეტ ადამიანს დაიტევს.  

რჩევა: თუ დივანს ირჩევთ ყოველდღიური ძილისთვის, საწოლის სიგრძე უნდა იყოს თქვენს სიმაღლეზე 50 სმ-ით მეტი.  

ჩარჩოს არჩევა: საუკუნოვანი გათვლით

ახლა შეგვიძლია დავიწყოთ უშუალოდ დივნის ჩარჩოს განხილვა,მის არჩევასთან დაკავშირებული პრაქტიკული რჩევები. დივნის კონსტრუქცია იღებს ყველაზე დიდ დატვირთვას, ამიტომ იგი ძალიან მტკიცე უნდა იყოს. ძირითადად, ჩარჩოს ნაწილები მზადდება არყის, ფიჭვის, ნაძვისა და ნეკერჩხლის ხისაგან.  

ჩარჩოს წარმოებისთვის შეიძლება გამოყენებულ იქნას ფანერა ან დსპ, ამიტომ ნუ შეგეშინდებათ, თუ ამ მასალებს ნახავთ შემადგენლობაში. დსპ კარგია ტენიანი გარემოსთვის,რომელსაც ის იტანს, მაგრამ მისი მომსახურების ვადა არ არის ძალიან მაღალი, ამიტომ უკეთესია ფანერის არჩევა. მრავალფენოვანი ფანერა გაცილებით დიდ ხანს მოგემსახურებათ - ეს არის ძალიან მტკიცე მასალა.  

რომელი მასალაა საუკეთესო  

როგორ შევარჩიოთ დივანი სასტუმრო ოთახისთვის, რომ იყოს გამძლე, კომფორტული და მოსახერხებელი თქვენთვის? აირჩიეთ ჩარჩო ხის მასალისგან, ხოლო შიდა შევსება - ზამბარების ბლოკით. ზამბარები ძალიან მტკიცეა და კომფორტული: მათთვის არ წარმოადგენს პრობლემას დიდი წონითი დატვირთვების ატანა.  

თუ დივანი ყოველდღიური ძილისთვის გამოიყენება,მაშინ ზამბარიანი ბლოკით შევსება საუკეთესო ვარიანტია.  

ასევე ხშირად დივანის შიგთავსად იყენებენ პენოპოლიურეთანს: იგი ადაპტირდება ადამიანის სხეულის ფორმებთან, ამიტომ ძალიან რბილია და კომფორტულია დასაჯდომად. ასევე, შიგთავსად იყენებენ ლატექსს, ჰოლოფიბერს, სინთეპონს და სხვა მასალებს.  

ასევე შეგიძლიათ სცადოთ NASA-ს მიერ შექმნილი მაღალელასტიკური ქაფიც, რომელიც ფართოდ გამოიყენება ავეჯის წარმოებაში.  

ეს ქაფი “იმახსოვრებს“ სხეულის ფორმებს. როდესაც მასალა აღარ არის დატვირთული იგი ბრუნდება საწყის მდგომარეობაში.  

საუკეთესო შიგთავსის შემოწმება მარტივია: უბრალოდ დაჯექით დივანზე, შემდეგ დააკვირდით თუ რამდენად სწრაფად უბრუნდება იგი პირვანდელ მდგომარეობას-ფორმას.

რჩევა: მაღაზიაში დივანის შიგთავსის შემოწმება შეუძლებელია, რადგან ის დივანის შიგნით არის მოთავსებული, ამიტომ ყურადღება მიაქციეთ ნაკერებს. თუ ნაკერები არ არის მოწესრიგებული, ეს შეიძლება ნიშნავდეს, რომ ქარხანაში ნაკლებ ყურადღებას აქცევენ ხარისხს და დივანის შიგთავსი შესაძლოა არ იყოს საიმედო.  

როგორ შევარჩიოთ გადასაკრავი დივნისთვის,რომლის დადგმასაც სასტუმრო ოთახში ვაპირებთ

თავდაპირველად განსაზღვრეთ, თუ რამდენად ადვილი და კომფორტული იქნება კონკრეტული მატერია მოსავლელად, ადვილად ხომ არ დაზიანდება შინაური ცხოველების მხრიდან, რამდენად ამტანი იქნება სხვა და სხვა ლაქების მიამრთ(მაგ: ყავის დაქცევის შემთხვევაში), რამდენად გამძლეა გადასაკრავი, - ანუ ყურადღება მიაქციეთ არა მხოლოდ გადასაკრავის დიზაინს, არამედ მის ფუნქციონალურ მხარესაც.

არსებობს სამი ტიპის გადასაკრავი: ქსოვილი, ნატურალური ტყავი და ეკო ტყავი.  

ქსოვილის გადასაკრავი შესაფერისია იმ შემთხვევაში, თუ სახლში ბავშვები ან შინაური ცხოველები ცხოვრობენ. დივანის გადასაკრავად ყველაზე ხშირად იყენებენ ფლოკს, ველიურს, შინელს, ჟაკარდს ან გობელინს. ეს ქსოვილები არ ატარებს ტენიანობას, ადვილად ირეცხება და გამძლეა.  

ნატურალური ტყავი ასევე ძალიან გამძლეა, მაგრამ ის შედარებით უფრო ძნელი მოსავლელია,რაც დამატებით ზრუნვას მოითხოვს,ასევე ტყვაის მატერია ყველაზე ძვირი ღირს. თუმცა უნდა აღვნიშნოთ, რომ ტყავის გადასაკრავი სიგრილის შეგრძნებას იძლევა. ტყავის დივანი - ეს კლასიკა და ფუფუნებაა.  

ეკო ტყავი (ხელოვნური ტყავი) თავისი მახასიათებლებით არ ჩამოუვარდება ნატურალურ ტყავს, მაგრამ ბევრად იაფი ღირს.  

ეკო ტყავის მოვლა უფრო მარტივია, ვიდრე ნატურალური ტყავისა: მას აპრიალებენ საპნიანი ხსნარით, შემდეგ კი რეცხავენ სუფთა წყლით.  

დივანის ფერი სასტუმრო ოთახში  

გაითვალისწინეთ, რომ დივანის ფერი უნდა შეესაბამებოდეს სასტუმრო ოთახის მთლიან ფერს, განსაკუთრებით მის კედლებს. თუ სასტუმრო ოთახის კედლები ფერადია, ხოლო თვითონ ოთახი - ბნელი და ბუნებრივი შუქის გარეშე, უმჯობესია აირჩიოთ თეთრი ფერის ავეჯი. თუ კედლები თეთრია და სკანდინავიური სტილი მოგწონთ, დივანი შეიძლება იყოს ნაცრისფერი.  

ძირითადი წესი: დივანის ფერი არ უნდა შთაინთქას სასტუმრო ოთახის კედლების ფერთან: კედლებისა და დივანის ფერები განსხვავებული უნდა იყოს.  

როგორ შევარჩიოთ დივანის ფერი მისაღები ოთახისთვის ისე, რომ თვალს არ „გჭრიდეთ“/გაწუხებდეთ?  სცადეთ ყავისფერი, კრემისფერი და პასტელური ფერები.

ნაცრისფერი ფერი და მისი ტონები კარგად გამოკვეთს რბილი ავეჯის ფორმებს. ის ძალიან ლაკონური და დამამშვიდებელი ეფექტისაა,რის გამოც ხშირად ირჩევენ დასასვენებელი ოთახებისთვის.

გარდა ამისა, ნაცრისფერ დივანზე ნაკლებად შესამჩნევია შინაური ცხოველების ბეწვი ან ლაქები, რომლებიც ხშირად რჩება ბავშვებისგან.

თუ გსურთ დივანზე აქცენტი გააკეთოთ დეკორატიული ბალიშების სახით, არ აირჩიოთ ძალიან მკვეთრი ფერები, უმჯობესია გამოიყენოთ ნაზი ფერის ტონები.

ლურჯი ფერის ქსოვილები დამამშვიდებლად მოქმედებს ადამიანის ფსიქიკაზე, ამიტომ ეს ფერი კარგია, სამუშაო დღის შემდეგ დასვენებისას.

როგორ შევარჩიოთ ქსოვილი მისაღები ოთახის დივანისთვის

გადასაკრავი ქსოვილების შესახებ ძირითად საკითხებზე უკვე ვისაუბრეთ ამ სტატიაში,მაგრამ მნიშვნელოვანია რომელი ქსოვილი ჯობია, რათა  დივანმა უფრო დიდხანს მოგვემსახუროს?

შენილი - ეს არის ჭრილების ფაქტურის წყობის ქსოვილი, რომელსაც აქვს რთული შემადგენლობა (დაახლოებით 50 პროცენტი ბამბა და 50 პროცენტი სინთეტიკა). შენილის ძაფი ძალიან მტკიცეა, კარგად ინარჩუნებს ფორმას და ადვილად იწმინდება.

ველიური - ეს არის ქსოვილი, რომელიც მიიღება ხუთი ძაფის გადახლართვით, რომელთაგან ოთხი არის ბაზა, ხოლო მეხუთე - ბეწვი. რბილი ავეჯის გადასაკრავად იყენებენ ბამბის და შალის ველიურს. ველიური არ იწელება და არ ჩამოიწევა, მისი გაწმენდა შეიძლება მტვერსასრუტის ჯაგრისით ან უბრალოდ სველი ნაჭრით. ველიური ძალიან რბილი და სასიამოვნოა შეხებით. მისი ერთადერთი ნაკლი - ბეწვი სწრაფად ცვდება.

ჟაკარდი - რთული ნაქარგი ქსოვილი, რომელიც გამოირჩევა მაღალი სიმკვრივით. ჟაკარდი დიდხანს გემსახურებათ. მისი გაწმენდა შეიძლება წყლით, მაგრამ ძლიერ დაბინძურების შემთხვევაში საჭირო იქნება ქიმწმენდა.

ფლოკი - ფაქტობრივად, ხავერდის შემცვლელი, რომელიც ჩვეულებრივ შედგება 35 პროცენტი ბამბისა და 65 პროცენტი პოლიესტერისგან. ფლოკზე ბეწვი დატანილია ელექტროსტატიკური მეთოდით. ფლოკის მოვლა არც ისე მარტივია: მისი გაწმენდა სპირტით არ შეიძლება, არ შეიძლება გათეთრება, გამოწურვა და ქიმწმენდაში ჩაბარება. დაბინძურებული ადგილი უნდა გაწმინდოთ თბილი წყლით (დაახლოებით 40 გრადუსი) და რბილი საპნით მომზადებული ხსნარის გამოყენებით,ხსნარის დატანის შემდგომ უნდა დაელოდოთ ორი წუთი, შემდეგ მოწმინდოთ პარალონის ღრუბლით და გაამშრალოთ სალფეთქებით. შემდეგ ეს ადგილი უნდა დააუთოვოთ ორთქლის რეჟიმში 150 გრადუსზე ტილოს გავლით.

გობელენი - ძალიან პრაქტიკული და გამძლე ქსოვილი, რომელიც შეგიძლიათ გარეცხოთ სარეცხ მანქანაში (დელიკატური რეცხვის რეჟიმში). გობელენი ძალიან სასიამოვნოა შეხებით.

როგორ ავირჩიოთ კუთხის დივანი მისაღები ოთახისთვის

კუთხის დივანი შედგება ჩარჩოსგან (ქვედა ნაწილი) და ზედა ნაწილისგან ელასტიური მასალისგან. კუთხის დივანებში ჩარჩო შედგება ორი ნაწილისგან: ბაზა და გვერდითი ნაწილები. ბაზა ყოველთვის ორჯერ გრძელია გვერდით ნაწილებზე. ჩარჩოზე მოდის ყველაზე დიდი დატვირთვა, და თქვენ უკვე იცით, რა ტიპის ჩარჩოები არსებობს.

კუთხის დივანის დათვალიერებისას ყურადღება მიაქციეთ გვერდითი ნაწილების შემადგენლობას.

ისინი უნდა იყოს ერგონომიული, არც ძალიან მყარი, არც ძალიან რბილი, სასურველია როლიკებით და სახელურებით: ეს გააუმჯობესებს კომფორტს.

რბილი გვერდითი ნაწილები უნდა იყოს ელასტიური, რომ გაუძლოს ადამიანის წონას, მაგრამ ასევე კომფორტული.

ტრანსფორმაციის მექანიზმები: სხვადასხვა ტიპების აღწერა

ამ სახელმძღვანელოში აღვწერეთ, როგორ ავირჩიოთ საუკეთესო დივანი მისაღები ოთახისთვის. როდესაც მიხვალთ მაღაზიაში, გააკეთეთ არჩევანი ყურადღებით, არ იჩქაროთ; არ ღირს პირველივე მოსაწონი დივანის შეძენა. წარმოიდგინეთ იგი თქვენს მისაღებში, დაუსვით შეკითხვები პროდუქტის ხარისხისა და გარანტიის შესახებ გამყიდველს. ამასთან, ყოველთვის მნიშვნელოვანია გახსოვდეთ, რომ პროდუქცია აუცილებლად უნდა შეარჩიოთ თქვენი გემოვნებისა და პრეფერენციების მიხედვით. მნიშვნელოვანია მხოლოდ დივანის ზომა, შიგთავსი და გადასაკრავი (სასურველია, რომ იყოს ელვაშესაკრავით - ასე შეგიძლიათ მისი მოხსნა და გაწმენდა). ხოლო დივანის ფერი და ქსოვილი აირჩიეთ თქვენი სურვილისამებრ: რადგან ინტერიერის ეს მნიშვნელოვანი კომპონენტი უნდა გახარებდეთ და დადებით ზეგავლენას ახდენდეს თქვენს განწყობაზე მრავალი წლის განმავლობაში.